Dokumentu-kudeaketa

Dokumentu-kudeaketarako sistema bati esker, enpresa bateko langileen artean, baita enpresa bateko hainbat egoitzen artean ere, baliabide digitalak denbora errealean partekatu daitezke. Sistema hori web ingurunean integratzean, munduko edozein lekutik intranet/internet erabili daiteke, bezeroak instalaziorik egin beharrik gabe.

NABASIK aholkularitza ematen du zure enpresaren jardunean sortutako edozein dokumentu elektronikoren sorkuntza, zirkulazioa, kudeaketa edo tratamendua kontrolatzeko prozesuan. Aholkularitza-zerbitzu horren helburua da dokumentazioa sailkatu eta antolatzen laguntzen duten jarduerak zehaztu eta garatzea, informazioa ez errepikatzea, informazio hori ikusteko modua erraztea, baita informazioa partekatzea nahiz ezagutza kudeatzea ere.

Abantailak:

• Dokumentu digitalizatuak erabiltzearen abantaila nagusietako bat da espazio gutxiago erabiltzen dela, eta espazio hori modu eraginkorragoan erabiltzen dela.
• Paper-euskarrian dauden dokumentuekin ez bezala, dokumentu digitalizatuak segundo gutxi batzuetan aurkitzen dira. Horrez gain, dokumentu digitalizatuen artean, metadatuen eta edukien araberako bilaketak ere egin daitezke.
• Dokumentu digitalizatuak ez dira zahartzen, eta seguruagoak dira, erabiltzaile-perfil bakoitzaren arabera, sarbide-baimen ezberdinak ezarri baitaitezke. Informazioa galtzeko arriskua ere nabarmen gutxitzen da.
• Lan-esparru partekatu berri bat ezartzen du.
• Lan-emariak sortzeko aukera ematen du.
• Dokumentu baten bizi-ziklo osoa kudeatzeko aukera ematen du: sortu, partekatu, haren bertsio berri bat egin, onartu, erretiratu, artxibatu eta abar.

Dokumentu-kudeaketarako produktu hauekin egiten dugu lan:

• Sharepoint
• Joomla
• Filenet